سياسة الاسترداد.

1. المبدأ العام

كل منتجات ياكوزا رقمية (مؤشرات، روبوتات، اشتراكات، كورسات) وبتتفعل على حسابك فور الشراء. لهيك ما منقدر نسترد قيمة منتج انفعل واستُعمل — إلا بالحالات المحددة تحت.

2. الحالات المؤهلة للاسترداد

• المنتج ما اشتغل عندك بشكل كامل، وما قدر فريقنا التقني يحل المشكلة خلال 72 ساعة من تواصلك معنا.
• انخصم من محفظتك مبلغ مكرر بالخطأ لنفس المنتج.
• فشل تفعيل من طرفنا وما انحلت خلال 72 ساعة. (ملاحظة: بحالات فشل التفعيل التلقائي — متل TradingView — النظام أصلاً ما بيخصم من رصيدك.)

3. الحالات غير المؤهلة

• تغيير رأيك بعد التنزيل أو التفعيل.
• نتائج التداول — أدواتنا بتساعدك تقرر، والسوق فيه مخاطرة، والنتائج مش مضمونة ولا بتشكل أساس استرداد.
• مشاكل ناتجة عن بيئتك (منصة قديمة، وسيط بيمنع الأدوات، إنترنت...) بعد ما زودناك بالتعليمات الصحيحة.
• الفترة المستهلكة من أي اشتراك شهري.

4. كيف بتقدم طلب الاسترداد

خلال 7 أيام من الشراء، راسل الدعم عبر تيليجرام مع: اسم حسابك، اسم المنتج، ووصف المشكلة. منرد خلال 24-48 ساعة.

5. طريقة الاسترداد

الاسترداد المقبول بيرجع لرصيد محفظتك بياكوزا فوراً، وبتقدر تستعملو بأي منتج تاني. بحالات استثنائية بيتقيّمها الفريق، ممكن الاسترداد بعملة USDT.